اضحك من قلبك

من طرف **الحياة دمعة** الأحد ديسمبر 06, 2009 7:45 am

دعاء الطالب الكسول قبل الامتحان بيوم واحد .. اقرا بنفسك !!

اللهم املأ بطوننا بالطبيخ وارحمنا من الجغرافيا والتاريخ

اللهم ضيع دفتر العلامات من المعلمين والمعلمات
الله اكبر كبيرا دخلت الامتحان بلا تحضيرا
فكان السؤال الأول كبيرا والسؤال الثاني ليس له حلا ولا تفسيرا
والسؤال الثالث كاد عقلي أن يطيرا
اللهم قرب ورقة الجار منا وابعد نظر الأستاذ عنا
خذ الصفر ولا تبالي إن الصفر من شيم الرجالي
اللهم عذب معلم الرياضيات واحصره في غرفة العمليات

اللهم عذب معلم الجغرافيا لانه كان من شلة مافيا

اللهم عذب معلم التاريخ وارسله الى كوكب المريخ
اللهم عذب معلم العلوم واحصره بين الفك والبلعوم
اللهم اطلق قنبلة ذرية واجعلها فرصة ابدية
.................................................. ...........................
واحد رخم عرف ان الاموات بتحس وتسمع باللى بيحصل حواليها

راح الترب و شغل الكاسيت على العالى باغنية الحياه حلوه
.................................................. ...........................
واحد و مراته متخانقين فبطلوا يكلموا بعض، الزوج كتب ورقة "صحيني الساعة 6:30 عشان عندي شغل" و حط الورقة على السرير و نام صحي الساعة 10:00 فلقى ورقة مكتوب عليها "الساعة 6:30 يلا اصحى"
.................................................. ...........................
مرة واحد بيعدي الشارع مع صحابه خبطته عربية مات. نقوا واحد منهم عشان يقول لمراته فراح لها فتحت له الباب قال له: "جوزك ضيع كل فلوسه ع القمار" قالت له: "إلهي ينشل البعيييد!" قال لها: "و باع البيت" قالت له: "إلهي يبيعوا عنيه!" قال لها: "و اتجوز عليكي على فكرة" قال له: "إلهي يدخلوا عليا شايلينه" الراجل قال: "بس..خشوا يا شباب..."
.................................................. .........................
واحد صعيدي كان مسافر فلما وصل المطار لقاهم مركبين جهاز جديد عبارة عن
مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك
.................................................. ...........................
غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل."
.................................................. ...........................
مرة واحد مسطول فارد عضلاته ومش عاجبه حد خالص في الحته بتعته فوقف تحت البيت عنده ونده أمه وقال : ياما ياما... ردت عليه أمه: خير ياواد عاوز ايه .. قالها : كل حاجة تمام عندك ياما . قالتله كله تمام اطلع .قالها يعني محدش قل أدبه عليك النهاردة من العالم دي . قالتله لأ محدش قل أدبه اطلع بقى . قالها : يعني محدش عاكس اخواتي البنات علشان أشرحه النهاردة .قالتله : لأ محدش عاكس اخواتك اطلع . قالها يعني محدش دايقكوا النهاردة . قالتله : لأ محدش دايقنا النهاردة اطلع بقى خلص .قالها طيب مادام كده بقى ولعيلي نور السلم علشان في قطة على السلم

.................................................. ...........................
واحد لقى صاحبه مخنوق ومضايق قاله مالك؟ قاله شيبسى فى حالى ... قاله ليز؟ قاله ابويا كرنشى من البيت... قاله يا راجل قلبظ دماغك